منتظر الزيدي

رفعت راس العرب وراس كل إنسان
من نيشت بالقندرة ورجمته للشيطان
سنين كلها ظلم من بوش والأعوان
سنين بيها البشر تنداس لو تنهان
لو تنذبح مثل العجل عريانة كالطليان
لو تنكتل بلا سبب وتتفرج الأعيان
كم أرملة بهالوطن لو كم يتيم عريان
لو كم جريح بعوق منسي مع النسيان
فتنة وخيانة وطن معروفة بالعنوان
أبسط حقوق الوطن داسوهة بالنعلان
لا ماء لا كهربا لا خدمة لا بنيان
حركوه لهذا الوطن والشعب والبستان
ولكن وحك الذي رب الإنس والجان
كل عراقي منتظر وكل الشعب شجعان
وكل العرب منتظر ما بيهم الخوان
وأحسبهة يا بوش النذل يا وطي يا جربان
لو كل العرب والناس ترميك بالحذيان
مليار وأكثر قندرة أبوجهك الخربان